Ақтөбеде ақтүтек боран басылар емес

Ақтөбеліктерді ақтүтек боран әуреге салды. Бүгін түстен кейін бірнеше бағыттағы жол жабылды.

Атап айтқанда, республикалық маңыздағы «Ақтөбе – Қандыағаш – Доссор – Атырау» және «Қандыағаш – Шалқар» бағыттарына жолға шығуға рұқсат жоқ. Сондай-ақ жергілікті маңыздағы «Покровка-Темір-Ембі», «Ақтөбе-Болгарка-Шұбарқұдық», «Дөң-Бадамша-Ақтөбе-Орск» тас жолдары да жабық. Бұл шектеулердің күші бораның беті қайтқанша сақталады. Синоптиктердің мәліметінше, желдің екпіні секундына 25 метрге дейін жетеді.