АҚШ бітімнің екінші кезеңі басталғанын мәлімдеді

АҚШ Газа секторында атысты тоқтатудың екінші сатысы басталғанын мәлімдеді. Бұл туралы президент Дональд Трамптың арнайы уәкілі Стивен Уиткофф жариялады. Оның сөзінше, бұл кезеңде Газада өтпелі әкімшілік пен Газаны басқару бойынша ұлттық комитет құрылуы, заңсыз топтар қарусыздануы тиіс. АҚШ «Хамас» тобы қаруын тастамағанына қарамастан, бітімнің екінші кезеңінің басталғанын жариялады. Желтоқсанда палестиналық қарулы топ Израиль сарбаздары Газа секторынан кеткенде ғана толықтай қаруын тастауға келісетінін мәлімдеді.