Алматыда қалың қар жауып, күн суыйды

Алдағы күндері Алматыға қалың қар түсіп, күн райы күрт салқындауы мүмкін. Синоптиктердің болжамынша, ертең ауа температурасы –7 градус болса, 17 қаңтар күні –13 градусқа дейін төмендейді. Қазір қалада мегаполистің коммуналдық қызметтері күшейтілген режимге көшті. Көктайғақтың алдын алу үшін қар жауғанға дейін 200-ден аса құм себетін көлік кезекшілікке қойылмақ. Сондай-ақ мыңнан астам техника мен үш мыңға жуық маман табиғаттың тосын мінезіне дайын тұр. Жұмыс сапасын бақылау үшін тәулік бойғы кезекшілік енгізілді.