Павлодар облысында өрттен екі бала көз жұмды

Павлодар облысы Ертіс ауданы орталығында үй өртеніп, екі бала көз жұмды. Олардың бірі 8, ал екіншісі 5 жаста. 2010 және 2015 жылы туған тағы екі бала ауруханада жатыр. Бір бала үйден өз күшімен сыртқа шыққан. Мәліметке қарағанда, балалардың әкесі ауруханада болған. Ал анасы таңертеңгілік үйдегі пешті жағып, жұмысқа кетеді. Есікті сыртынан жапқан. Саманмен қалап, қамыспен өрілген 50 шаршы метрлік баспана әп-сәтте отқа оранған. Өрт сөндірушілер хабар түсісімен айналасы үш минутта келіп жеткен.

Қиын жағдайға қарамастан өрт сөндірушілер алғашқы минуттардан бастап зардап шеккендерді іздеуге кірісті. Үш баланы құтқарды. Оларды жедел жәрдем медициналық бригадасына тапсырды. Өрт сөндірушілер келгенге дейін бір бала өзі құтқарылды.