Қазақстанға инвесторлардың ықыласы ауа бастады

Қасым-Жомарт Тоқаевтың «Түркістан» газетіне берген сұхбаты шетелдік басылымдардың да қызығушылығын тудырды. «Сыртқы саясатқа қатысты жоғары деңгейдегі іс-шаралардың көптігі Қазақстанның абырой-беделін өсіріп, халықаралық құқық субъектісі ретіндегі рөлі арта түскенін көрсетеді», - деді Президент. Сарапшылардың айтуынша, соңғы жылдары Қазақстанға инвесторлардың да қызығушылығы  жоғары. Бұл еліміздің әлемдік аренадағы мәртебесінің арта түскенін көрсетеді.

Өз сұхбатында Қасым-Жомарт Тоқаев Қазақстанның әлемдік саясаттағы нақты рөлі туралы айтты. Сондай-ақ халықаралық саясатқа қатысты өз ұстанымын білдірді. Жалпы, Еуразияның кіндігінде орналасқан Қазақстанның қазіргі геосаяси ахуал шиеленісіп тұрған тұста абыройы арта түсті. Бұл экономикаға алдағы уақытта да оң әсерін тигізеді деп ойлаймын.