Зейнетақы жинағын емге алуға жарты жылдан кейін рұқсат берілуі мүмкін

Зейнетақы қорындағы қаражатты «емге алу» жарты жылдан соң қайта іске қосылуы мүмкін. Бұл туралы «Отбасы банкі» хабарлады. Себебі порталда радиохирургия бойынша өтінімдер саны күрт артқан. Осы бағыттағы емдеу тек лицензиясы бар, тиісті құралмен жабдықталған және білікті мамандары бар медициналық ұйымдарда ғана жүргізілетінін, айта кетейік. Денсаулық сақтау министрлігімен бірлесіп, осы аптадан бастап Бірыңғай жинақтаушы зейнетақы қоры есебінен емделуге арналған барлық өтінімдерді қабылдауды уақытша тоқтату туралы шешім қабылданған. Бұл уақытша шара және қазақстандықтар емге қашан қайтадан өтінім бере алатыны туралы қосымша хабарланады, қазір радиохирургия бағыты бойынша 7 666 өтінім қаралып жатыр, делінген банк хабарламасында.