Инфляция тұрақталғанша 31 тауар мемлекет бақылауында болады

Ескеретін жәйт, тізімде бұрыннан бар негізгі 19 тауар әрдайым мемлекет бақылауында болады. Ал жаңадан қосылған 12 түрлі азық-түлік бағасы инфляция деңгейі тұрақталғанша ерекше бақылауға алынбақ. Сондай-ақ бағаны негізсіз көтерген кәсіпкерлерге жауапкершілік күшейді.

Тойгүл Жұбанисова, ҚР Сауда және интеграция министрлігінің ресми өкілі:

Қосылған тауарға енді сатушылар сауда үстемесін 15%-дан асырмау керектігі туралы қазір түсіндіру жұмыстарын жүргізіп жатырмыз. Әлеуметтік маңызы бар тауар деген халық үшін ең қажетті тауарлар, сондықтан жауапкершілікті арттыру мақсатында өткен жылдан бастап біз мемлекеттік бақылауды күшейттік. Яғни, бірінші кезекте ескерту беру қағидасын алып тастадық та, бірден айыппұл салып, егер қайталанса, айыппұл мөлшері екі еселенетін заң нормасын қабылдадық.