Алматыда ауа райына байланысты бірнеше әуе рейсі кешігіп жатыр

Алматы халықаралық әуежайында қолайсыз ауа райына байланысты бірнеше рейс кешігіп жатыр. Соның ішінде Астана, Қызылорда және Ақтау бағыттарына ұшатын әуе кемелерінің ұшу уақыты кейінге шегерілген. Әуежайдың баспасөз қызметінің мәліметінше, бұған күн райының қолайсыздығы себеп болып отыр. Әуежайдың барлық қызметі күшейтілген режимде жұмыс істеп жатқаны хабарлады. Әуежай әкімшілігі жолаушылар мен экипаж мүшелерінің қауіпсіздігі басты назарда екенін айтады. Сондықтан жолаушыларға рейстер туралы өзекті ақпаратты әуе компанияларынан нақтылап, әуежайдың ресми сайтын бақылап отыруға кеңес береді.