Жеке мектептерге талап күшейеді

Бұдан былай елімізде жеке мектептер тек нақты қажеттілік туындап отырған өңірлерде ғана ашылады. Лицензия тек үш ауысымды мектептерді, апатты жағдайда тұрған білім ордаларын алмастыру мақсатында мемлекеттік мектептер жетіспейтін өңірлерге ғана беріледі. Мұны Оқу-ағарту министрі Алматыда жеке мектептердің құрылтайшылары мен директорларының қатысуымен өткен кездесуде мәлімдеді. Одан бөлек жеке мектептер құрылтайшыларының жауапкершілігі де заң аясында реттеледі. Мектеп директорларын тағайындау тәртібін де өзгерту жоспарланып отыр. Бүгінде елімізде жалпы лицензиясы бар 890 жеке мектеп бар, оның 785-інің құжаттары цифрландырылды. Үкімет жаңадан ашылатын жеке мектептерге мемлекеттік тапсырыс орналастыру ісіне мораторий жариялауды жоспарлап отыр.