Ғылым саласында ЖИ орталығы құрылуы мүмкін

Қазақстанда жасанды интеллект орталығы құрылуы мүмкін. Қазір ғылым саласына осы жаңашылдықты енгізу үшін Қытайдың бірнеше компанияларымен қарқынды жұмыс атқарылып жатыр. Бұл жөнінде  Ұлттық ғылым академиясының президенті, Ұлттық құрылтай мүшесі Ақылбек Күрішбаев арнамызға берген сұхбатында айтты. Ол ақылды технологияның маңызына тоқталды.

Ақылбек Күрішбаев, ҰҒА президенті, Ұлттық құрылтай мүшесі:

Біздің мақсатымыз кеңістік, уақыттық Жасанды интеллект орталығын құру Қазақстанда. Бұл деген сөз, қысқаша айтатын болсақ, ауада, космоста, жердегі мәліметтердің бәрін үлкен деректерге жинап, сараптама жасау. Соның негізінде цифрлық технологиялар арқылы басқару. Біріншіден табиғаттың апаттарын басқару. Қытайда бұл жақсы дамыған. Екінші ақылды ауыл шаруашылығын қалыптастыру. Үшінші транспортпен, логистиканы реттеу.