Алтын мен күміс қымбаттады

Бүгін алтын мен күміс бағасы рекордтық максимумға дейін қымбаттады. Гренландияға байланысты шиеленістің өршуінен инвесторлар арасында бұл металдарға сұраныс өскен. Алтын 1,6 пайызға қымбаттап, бір унциясы 4689 долларға жетті. Ал күміс бағасы 4,4 пайызға өсіп, 94 доллардан асты. АҚШ президенті Дональд Трамп Құрама Штаттарға Гренландияны сатып алуға рұқсат етілмесе, еуропалық одақтастарына баж салығын салатынын ескертті. Осыдан кейін Еуроодақтың 27 мемлекетінің елшілері бас қосып, тарифтерге жол бермеуге, ал енгізілген жағдайда қарсы шараларды дайындауға келіскен.