Енді тұрғын үйде үлесі бар азаматтарға ипотека рәсімдеуге рұқсат берілуі мүмкін

Енді тұрғын үйде үлесі бар кезекте тұрған азаматтарға ипотека рәсімдеуге рұқсат берілмек. Бұрын мұндай мүмкіндік болмаған. Яғни баспанада аз ғана үлесі барлар мемлекеттік қолдаудан автоматты түрде айырылатын. Енді олар жеңілдетілген ипотека рәсімдеуге және арендалық баспанаға үміткер бола алады. Бұл өзгеріс әзірге заң жүзінде реттелген жоқ. Тек қаржы ұйымының бастамасы ретінде енгізіліп отыр. Жаңа тәртіп 2026 жылдың ақпан айынан бастап күшіне енуі мүмкін дейді, «Отбасы банкінің» өкілі.