Жаңа Салық кодексіне қатысты ұсыныстар қайта қаралады

Премьер-министр Олжас Бектенов орынбасары Серік Жұманғаринге биыл енгізілген Салық кодексін мүдделі топтармен қайта пысықтауды тапсырды. Кеше Қызылордада өткен Ұлттық құрылтай отырысында Президент Үкіметке қоғам мен бизнес тарапынан түскен ұсыныстарды жинақтап, жан-жақты талдауды жүктеген еді. Бұл жұмысқа «Атамекен» ұлттық палатасы, экономистер мен сарапшылар, сондай-ақ өңірлер белсенді түрде тартылмақ. Нәтижесінде көтерілген мәселелер бойынша нақты ұсыныстар енгізіледі.

Жаңа Салық кодексі өзгермейтін қағидалардың жиынтығы ретінде қабылданбауы керек, бұл туралы Президент ерекше атап өтті. Серік Мақашұлы, осыған байланысты сізге жұртшылық пен бизнес тарапынан келіп түскен ұсыныстарды жинақтап, мұқият талдауды тапсырамын. «Атамекен» Ұлттық палатасының өкілдерін, экономистер мен сарапшыларды тарта отырып, жүйелі әрі үйлесімді жұмыс істеу керек. Бүгін Үкіметте осындай алғашқы кездесу өткізесіз.