Давоста Зеленский мен Трамп кездеседі

Сонымен қатар Давоста бүгін Украина және АҚШ президенті кездеседі. Зеленский мен Трамптың қашан жүздесері әзірге белгісіз. Мұның алдында Украина және АҚШ делегаттары форум аясында кездесті. Украина делегациясының басшысы Рустем Умеров әлеуметтік желіде америкалық өкілдер Джаред Кушнер және Стив Уиткоффпен жүздескенін жазды. Бұл мәліметке сай тараптар экономикалық даму, соғыстан кейін қалпына келу және қауіпсіздік кепілдігі мәселелерін талқылаған. Ал бүгін АҚШ делегаттары Мәскеуге барып, Ресей президенті Владимир Путинмен келіссөздер жүргізбек. Басты тақырып – Украина мәселесін реттеу.