Ақмола облысында балықшылар мен аңшыларға 8,5 млн теңге айыппұл салынған

Ақмола облысында заңсыз балық аулап, аңшылық құрғандарға 8,5 млн теңге көлемінде айыппұл салынды. Өңірде браконьерлік тыйылар емес. Осыған байланысты облыс прокурорлары аңшылар мен балықшыларға арнайы түсіндіру жұмыстарын күшейтті. Десе де статистика алаңдатарлық. Мәселен, былтыр бір жылда заңнаманы бұзған 400-ге жуық азамат әкімшілік жауапкершілікке тартылды. Ал сотқа дейінгі тергеп-тексерудің бірыңғай тізімінде 11 қылмыстық іс тіркелген.