Италиядағы дауыл €1 млрд шығынға ұшыратты

Италияда «Гарри» дауылынан келген шығын 1 млрд еуродан асты. Екпінді жел мен дүлей дауыл жағалауға, порттарға және инфрақұрылымға зақым келтірген. Табиғи апат әсіресе Сицилия мен Сардинияға айтарлықтай соққы берген. Дауылдан кейін тазарту жұмыстарына әскери-теңіз, құрлық және әуе күштері тартылды. Дауыл қайта көтеріліп, нөсер жауын жауу қаупі әлі де сейілмей отыр. Сол себепті билік қауіпсіздікті барынша күшейтіп, тұрғындарды абай болуға шақырды.