«Теңізшевройл» компаниясы мұнай тасымалдауға қатысты төтенше жағдай туралы мәлімдеді

Теңіз кенішінде болған өрттен кейін «Теңізшевройл» компаниясы мұнай тасымалдауға қатысты форс-мажор жағдай қалыптасқанын мәлімдеді. Теңіз және Королевское кеніштерінде мұнай өндірісін тоқтатқан. Еліміздің Энергетика министрлігі оқиғаның мән-жайын анықтайтын арнайы комиссия іске кіріскенін хабарлады. Қаңтардың 18-і күні екі электр трансформаторынан өрт шыққан еді. Reuters өзінің ақпарат көздеріне сілтеме жасап, «Теңізшевройлдың» өрттің кесірінен Каспий құбыры арқылы мұнай тасымалын азайтатынын да жазған-ды. «Теңізшевройл» еліміздің бүкіл мұнайының үштен бірін өндіретін компания.