Халықаралық сарапшы: Бір палаталы Парламент – әлемдік тәжірибе

Тәуелсіз британиялық сарапшы Нил Ватсон президент Қасым-Жомарт Тоқаевтың Ұлттық құрылтайдағы сөзін біраз маңызды мәселені жан-жақты қамтыған ауқымды баяндамa, деп бағалады.
Ватсон, әсіресе, бір палаталы Парламент құру идеясын толық қолдайтынын атап өтті. Өйткені бұл – әлемде кеңінен тараған тәжірибе. Еуропалық Одақ құрамындағы 27 елдің 15-нің парламенті бір палаталы, әсіресе шағын және орта көлемді мемлекеттердің. Мәселен, Эстонияның заң шығарушы органында 101 ғана депутат бар. Олар 4 жылдық мерзімге пропорционалды сайлау жүйесі арқылы сайланады. Бұл жүйе заң шығаруды жеңілдетіп, тиімділікті арттырады, дейді сарапшы.
Нил Ватсон, халықаралық сарапшы:

Жалпы, бұл өзгерістер заманауи Қазақстан үшін өте маңызды деп сенемін. Бұл - әлем жұртшылығына жіберілген белгі: Қазақстан батыстық үлгіге бағыт алғанын, демократиялық мемлекеттер отбасының бір бөлігі болғысы келетінін және бірақ өзінің бірегейлігін сақтап қалғысы келетінінің айқын көрінісі.