Көкарал бөгеті қайта жөнделеді

Арал теңізінің су деңгейін көтеру үшін Көкарал бөгеті реконструкцияланады. Қазіргі уақытта жобаны әзірлеу жұмыстары аяқталуға жақын. Су ресурстары және ирригация министрлігі мен Дүниежүзілік банк бірлескен жобаларды талқылады. Сонымен қатар Қызылорда облысындағы ирригация желілерін цифрландыру және автоматтандыруды енгізе отырып қалпына келтіру жобасы да дайындалып жатыр. Бұл суды үнемдеп, артылғанын Аралға жіберуге мүмкіндік береді. Қазір құжаттар мемлекеттік сараптамадан өтіп жатыр. Ұлттық құрылтайда Мемлекет басшысы Солтүстік Арал теңізін сақтау мәселесіне айрықша назар аударғанын еске сала кетейік.