Трамп Сеулге 25% тариф енгізетінін мәлімдеді

АҚШ президенті Дональд Трамп Оңтүстік Кореядан тауар импортына тарифті 25 пайызға дейін өсіретінін мәлімдеді. Ақ үй басшысы Корея парламентін Вашингтонмен жарты жыл бұрын жасаған келісімді бекітпегені үшін айыптады.  Сол үшін Оңтүстік Кореядан баратын автомобиль, фармацевтика өнімдері мен басқа да заттарға баж салығын 15 пайыздан 25-ке өсіретінін айтты. Вашингтонмен арадағы келісімге сай, Сеул АҚШ экономикасына 350 млрд доллар инвестиция құюы қажет. Бұл заң жобасын Корея парламенті әлі қабылдамаған. Оңтүстік кореялықтар көшеге шығып, Трамптың тариф туралы мәлімдемелеріне наразылық білдірді.