Конституциялық комиссия: Экология үшін жауапкершілікті күшейту қажет

Конституциялық реформа жөніндегі комиссия мүшелері жаңа Ата заңға экологиялық жауапкершілікті күшейтуге бағытталған бірқатар маңызды ұсыныстарын ортаға салды. Мақсат – табиғатты қорғауды мемлекеттің және әр азаматтың ортақ міндеті ретінде конституциялық деңгейде бекіту.

Серік Егізбаев, ҚР Парламенті Мәжілісінің депутаты:

31-бапқа азаматтардың табиғатты сақтау міндетін енгізіп, мемлекеттің қоршаған ортаны қорғау мақсатын айқындауды, ал лауазымды тұлғалардың экологиялық деректерді жасырған үшін жауапкершілігін күшейтуді қажет деп санаймыз. 61-бап бойынша Құрылтайға қоршаған ортаны қорғау заңдарын реттеу құзыретін беру, бұл біздің экологиялық саясатымызға конституциялық күш береді деп білемін.