Қазақстан электрондық үкіметтің даму индексі бойынша 24-орында

Қазақстан цифрландыру бойынша халықаралық рейтингтердегі орнын нығайтты. Халықаралық бағалауларға сәйкес, бүгінде Қазақстан электрондық үкіметтің даму индексінде 24-орында және онлайн-қызметтер индексі бойынша әлемнің ТОП-10 еліне кіреді. Сонымен қатар alem.cloud ұлттық суперкомпьютерлік кластері әлемдегі ең ірі суперкомпьютерлердің TOP-500 рейтингісіне еніп, 86-орынға ие болды. Бұл туралы Премьер-министрдің орынбасары – жасанды интеллект және цифрлық даму министрі Жаслан Мәдиев мәлімдеді. Осылайша, Қазақстан есептеу қуаты бойынша өңір көшбасшыларының бірі ретіндегі мәртебесін растады.