АҚШ-та бораннан 30 адам қайтыс болды

АҚШ-та бораннан 30 адам мерт болды. Мұны Ассоушиейтид Пресс агенттігі хабарлады. Арканзастан бастап Жаңа Англияға дейінгі 2100 шақырым аумақты 30 сантиметр қар басқан. Кей жерлерде ақ ұлпаның қалыңдығы 50 сантиметрге жеткен. Суық ауа-райы елдің үштен екі бөлігін әбігерге салды. Соңғы мәліметке сай 560 мың адам әлі электр жарығынсыз отыр. Қуатты қалпына келтіруге бірнеше күн қажет болуы мүмкін. Дүйсенбіде 12 мыңнан астам ұшақ рейсі доғарылған немесе кейінге қалдырылған. Нью-Йоркте 500 мыңдай оқушы онлайн оқыды. Синоптиктер болса, алдағы демалыс күндері боран қайта соғуы мүмкін екенін ескертіп жатыр.