Конституциялық реформа дамуға тың серпін береді

Ұлттық құрылтайда Мемлекет басшысы ұсынған саяси реформалар уақыт талабы. Билік тармағын жаңғырту, бір палаталы Парламент құру ел дамуына тың серпін беретін бастамалар.

Мемлекет және қоғам қайраткері Мұрат Бақтиярұлы алдағы конституциялық реформадан оң өзгерістер күтеді. Ең бірінші тиімділігі - заңдарды қабылдау процесі бұрынғыдай ұзаққа созылмайды. Екіншіден, Парламент депутаттарының жауапкершілігі күшейеді. Заң шығарушы органға «депутаттардың партиялық сайлау арқылы түсуі саяси бәсекелестікті арттырады», - дейді мемлекет және қоғам қайраткері.

Мұрат Бақтиярұлы, қоғам қайраткері:

Енді осы жолы Парламент толыққанды пропорционалды жүйемен түсетін болады. Енді бұл партиялық бәсекелестікті күшейтеді деп есептеймін. Міне, осындай сайлау арқылы келесі Парламент жаңа деңгейге көтеріледі, сапалы заң қабылдауда үлкен мәнге ие болады.