Ресейге баратын шетелдіктерге талап күшейді

Ресейге баратын шетелдіктерге, оның ішінде Қазақстан азаматтарына да жаңа талаптар қойылды. Көрші елге барған соң өзге елдің азаматы 30 күнде медициналық тексеруден өтуі тиіс. Ал елде ұзақ уақыт болуды жоспарлағандар жыл сайын ВИЧ инфекциясы мен есірткіге тәуелділіктің жоқтығы туралы анықтама тапсырып отыруға міндеттеледі. Егер тексеру барысында инфекция бары немесе тыйым салынған заттарды қолдану фактісі анықталса, бұл ақпарат тиісті мемлекеттік органдарға бірден жолданады. Талапты орындамағандарға салынатын айыппұл мөлшері 12 есеге ұлғайып, 329 мың теңгеге дейін жетуі мүмкін. Ал шетел азаматтарына жалған медициналық анықтама бергендерге 4 жылға дейін бас бостандығынан айыру жазасы қарастырылған.