66 курсант қызылшамен ауруханаға түсті

Ақмола облысындағы Қорғаныс министрлігіне қарасты Шоқан Уәлиханов атындағы әскери колледжінің 66 курсанты өткір вирустық инфекция белгілерімен облыстық балалар ауруханасына түсті.

Жұқпалы аурулар бөліміне түскен курсанттардан қызылша дерті анықталып отыр. Қазір олар дәрігерлердің жіті бақылауына алынып, тиісті ем қабылдап жатыр. Ақ халаттылар екі жасөспірімнің жағдайын ауыр деп бағалап, жансақтау бөліміне жатқызған. Қалған курсанттардың жағдайы оңалып келеді дейді. Ал оқу орны қазір карантинге жабылды. Науқастармен байланыста болғандар анықталып, оқшауланды. Санитарлық эпидемиологиялық бақылау күшейтіліп, жағдайды Қорғаныс министрлігі мен денсаулық сақтау басқармасы жіті бақылауға алып отыр.