Конституциялық комиссия: Бірнеше жұмыс секциясы кешенді талдау жасап жатыр

Конституциялық комиссияның бірнеше жұмыс секциясы Ата Заңға енгізілетін түзетулердің нақты бағыттары бойынша жұмыс істеп жатыр. Олар Конституцияның жекелеген нормалары, баптары мен бөлімдерін жан-жақты талдайды. Ұсыныстардың құқықтық қырларын егжей-тегжейлі қарастырып, мазмұны мен салдарын да талқылап жатыр. Одан соң қорытынды ұсыныстар әзірленеді. Бұл ретте Конституцияның негізгі ережелеріне қатысты барлық мәселеге ерекше назар аударылып отыр.