Трамп: Иранға тағы бір армада бара жатыр

АҚШ президенті Дональд Трамп Иранға қарай тағы бір америкалық әскери флотилия бара жатқанын мәлімдеді. Айовадағы митингте сөйлеген сөзінде Ақ үй басшысы Тегеран мен Вашингтон арасында мәміле жасалатынына сенімді екенін айтты. Алайда нақты қандай келісім екеніне тоқталған жоқ.

Бұған дейін Трамп Парсы шығанағына Американың әскери кемелері бара жатқанын қаңтардың 23-де мәлімдеді. Ақ үй басшысы ай басынан бері Тегеран демонстранттарға оқ атса, күш қолданатынын ескерткен еді. Әлемдік басылымдар Иранға апта соңында соққы берілуі мүмкін деп жазып жатыр. Ал кешегі мәлімдемесінде Трамп әскери кемелерді қолдануға тура келмейтініне үмітті екенін меңзеді.