Конституциялық реформа өзгерістерді жеделдетеді

Бүгін конституциялық реформа жөніндегі комиссияның кезекті отырысы өтеді. Бұл туралы өткен жиында комиссия төрағасы Эльвира Әзімова хабарлаған. Ал Өзбекстандық сарапшылар Қазақстандағы конституциялық реформа оң өзгерістерді одан әрі жеделдетуге бағытталған қадам деп бағалады. Әділетті мемлекет қағидаттарын нығайту, адам құқығын басты назарға алу жайы аса құптарлық дейді олар.

Дилором Файзиева, Өзбекстан Олий Мажлисінің депутаты, Халықаралық істер комитеті төрағасының орынбасары:

Қазақстанда жүзеге асқалы жатқан конституциялық реформаны барынша қолдаймыз. Бұл өзгерістер елдің әлеуметтік-экономикалық дамуына зор үлес қосары анық. Реформа елдегі басқару жүйесіне оң серпін беріп, халықтың әл- ауқатын арттыруға жол ашады. Конституциялық жаңашылдықтың арқасында бауырлас ел табысты дамитынына сенімдімін.