ІІМ: Бөгде адамға ақша аударғанда абай болыңыз

Ішкі істер министрлігі тұрғындарға бөгде  адамдарға ақша аударып бергенде абай болуды ескертеді. Алаяқтар азаматтарға қоңырау шалып, өздерін «Қазақтелеком» қызметкері ретінде таныстыра бастаған. Сонымен қатар адамдарды өз картасы арқылы ақша шешіп алуға немесе аударуға жиі үгіттеп жүр. Кейде олар банк картасын уақытша беруді сұрайды. Мұның бәрін әккілер түскен қаржының ізін жасыру үшін қолданады. Алайда заң алдында жауапкершілік карта иесінің өзіне жүктеледі.