Қазақстан азаматтығын алған балаға Ұлттық қордан қаражат аударылады

2006 жылы және одан кейін дүниеге келген балалар 18 жасқа дейін Қазақстан азаматтығын алса, Ұлттық қордан автоматты түрде қаражат төленеді. Қаржы баланың туған күніне емес, Қазақстан азаматтығын алған уақытына байланысты есептеледі. Еске салсақ, «Ұлттық қор - балаларға» бағдарламасы 2024 жылы басталған. Бүгінге дейін қорға 87 млрд доллар жиналды. Бала кәмелет жасқа толғаннан кейін жинақталған қаржыны тұрғын үй жағдайын жақсартуға немесе оқу ақысын төлеуге жұмсай алады.