«Ұлттық Қор - балаларға» жобасы аясында балалар шотына қаражат бүгін аударылады

Ұлттық банк төрағасының орынбасары Әлия Молдабекова «Ұлттық қор - балаларға» жобасы аясында қазақстандық балалардың шоттарына төлем қашан түсетінін айтты. Сөзінше, 1 ақпан демалыс күніне сәйкес келгендіктен, қаражатты аудару 30 қаңтарға, жұма күніне жоспарланған. Азаматтар ақшаны шоттарынан 31 қаңтар түстен кейін немесе 1 ақпан күні таңертең көре алады. Төлем мөлшері қазірдің өзінде белгіленген және әр балаға 130 доллар, қазіргі бағам бойынша 65 мың теңгеден асатын болады.Биыл бағдарлама іске асырылып жатқан үшінші жыл болмақ. Бірінші жылы балаларға шамамен 100 доллар, екінші жылы - 130 долларға жуық қаржы аударылған. Алдағы төлемді есепке алғанда, жалпы сома шамамен 360 доллар, яғни 181 мың теңгеден асады.