ЕуроОдақ Иранға жаңа санкциялар жариялады

ЕуроОдақ Иранның Ислам революциясы сақшыларының корпусын террористік ұйым деп жариялады. Мұндай шешім Брюссельде сыртқы істер министрлерінің кеңесінде қабылданған. Бұған елде болған шерулер кезінде мыңдаған адамның қаза табуы түрткі болды. Бұған қоса, ЕуроОдақ Иранның 19 азаматы мен 12 ұйымы және фирмасына қарсы санкциялар жариялады. Тізімге іліккендердің қатарында елдің ішкі істер министрі мен бас прокуроры бар. Оларға ЕуроОдақ елдеріне кіруге тыйым салынып, активтері бұғатталады.