Президент үкіметке еріктілер ісін дамыту бойынша құжат дайындауды тапсырды

Қазір еліміздегі волонтерлардың саны 300 мыңға жетті. 6 жыл бұрын еріктілердің саны 50 мың ғана еді. Қазір олардың қатары 300 мың адамға жетті. Қасым-Жомарт Тоқаев Астанада өткен волонтерлар форумында осылай деді. Елге пайдалы жұмыспен айналысатын ұйымдардың саны төрт есеге жуық өсіп, 800-ден асты. Қазіргі таңда еріктілеріміз экология, білім, мәдениет және басқа да салалар бойынша маңызды бастамалар көтеруде. Соның ішінде «Жас ағаш», «Эко бақылау», «Білім волонтерлері» жобаларын ерекше атап өтуге болады. Сондықтан еріктілерге көрсетілетін қолдау тоқтамайды деді Президент.

Волонтерлікті дамыту үшін мемлекет деңгейіндегі жаңа жүйелі шаралар қажет. Биыл еріктілер ісін дамытуға арналған үш жылдық Жол картасын іске асыру мерзімі аяқталады. Сондықтан Үкімет 2030 жылға дейінгі кезеңді қамтитын жаңа мазмұнды құжат әзірлегені жөн. Бұған дейін қабылданған шаралардың тиімділігіне баға беру және Қазақстанның халықаралық міндеттемелеріне сай волонтерлік қозғалысты нығайту үшін қосымша ынталандыру тетіктерін қарастыру маңызды.