Трамп Кубаға мұнай апаратын елдерге ескерту жасады

АҚШ президенті Кубаға мұнай тасымалдайтын елдерге баж салығын салуға жол ашатын жарлық шығарды. Құжатта аралдық мемлекет билігінің Қытай, Иран, Хамас және Хезболламен байланысы туралы айтылған. Венесуэладағы операциядан кейін Трамп Куба келесі болуы мүмкін екенін меңзеген еді. Ақ үй басшысының мәлімдеуінше, Куба үкіметі АҚШ-тың ұлттық қауіпсіздігіне нұқсан келтіреді. Сол себепті бұл мемлекетті өзге елдердің қолдауына жол бермейтінін айтты.