Қайтарылған 8,5 млн га жер қайта бөлінді

Елімізде ауыл шаруашылығы мақсатындағы жерлерді қайтару және қайта айналымға енгізу жұмыстары қарқынды жүріп жатыр. Ауыл шаруашылығы министрлігі жер ресурстарын басқару комитетінің төрағасы Мұрат Теміржанов осылай деді. Бүгінге дейін пайдаланылмай жатқан және жер заңнамасын бұза отырып берілген 2 млн га жерді қайтару жөніндегі республикалық жоспар артығымен орындалып, 2,1 млн га жер мемлекетке қайтарылды. Қазір 2026 жылға арналған Жол картасында пайдаланылмай жатқан 1 млн га жерді мемлекет меншігіне қайтарып алу көзделген.

Мұрат Теміржанов, ҚР АШМ Жер ресурстарын басқару комитетінің төрағасы:

2026 жылы 1 қаңтардағы жағдай бойынша қайтарылған 8,5 млн га жер қайта бөлінді, оның ішінде, 2,8 млн га жергілікті халықтың мал жаюы үшін ортақ пайдалануға берілді. 5,7 млн га конкурстық негізде ауыл шаруашылығы өндірісі субъектілеріне табысталды.