Елде нипах вирусын жұқтыру дерегі тіркелген жоқ

Нипах вирусына қарсы мемлекеттік шекарадағы санитариялық-карантиндік шаралар күшейтілді. Қауіптің алдын алу мақсатында бүгін Алматы халықаралық әуежайында ведомствоаралық оқу-жаттығу жиыны өтті. Әрекет алгоритмі пысықталды. Ал елдегі емдеу орындары дәрілік заттар мен қорғаныш құралдарының қорын жасақтаған.

Жасұлан Алпысбаев, ҚР ДСМ Санитариялық-эпидемиологиялық бақылау комитетінің басқарма басшысы:

Қазақстанда бүгінгі таңда Нипах вирусы ешқандай адамда тіркелген жоқ. Біздің азаматтарға Үндістанға бармаңыздар деп шектеу қоя алмаймыз. Бірақ туристік мақсатта бармасаңыздар дұрыс болар еді деп айтамыз.

Дүниежүзілік денсаулық сақтау ұйымы Нипах вирусының таралу қаупі төмен екенін хабарлады.