Конституциялық реформа ел игілігі үшін жасалады

Конституциялық реформа халықтың игілігі үшін жасалады. Қазақстан Президентінің «Заң мен Тәртіп» моделі жаңа әрі әділетті қоғам қалыптастыруға ықпал етті. Мұндай бастама – елдің еркін дамуына, экономикалық жоспарларды орындап, инвестиция тартуға таптырмас құрал,-  дейді Қазақстанның Өзбекстандағы елшісі Бейбіт Атамқұлов.

Бейбіт Атамқұлов, Қазақстанның Өзбекстандағы Төтенше және өкілетті елшісі:

Орталық Азиядағы саяси-экономикалық салмағы басым елдердің бірі Қазақстанда орын алған реформалар әлемдік қауымдастықтың назарында. Мен мұны баса айтқым келеді. Бүгінде Конституциялық реформаның негізгі бағыттары айқындалды. Қазақстан өңірлік және жаһандық тұрақтылықты қалыптастыруда өзіндік орны бар мемлекет. Бүгінгі жаңашылдықтар осының айғағы.