Басты Жаңалықтар Елена Рыбакина Australian Open турнирінің чемпионы атанды

Елена Рыбакина Australian Open турнирінің чемпионы атанды

01.02.2026 19:52

Кеше Елена Рыбакина «Үлкен дулыға» жарыстарының бірі – Australian Open турнирінің жеңімпазы болды.

Ол финалда әлемнің 1-ракеткасы, «Үлкен дулыға» турнирінің төрт дүркін чемпионы, Беларусь өкілі Арина Соболенкомен кездесті.

Олар 2023 жылы да осы Аустралия біріншілігінде чемпиондыққа таласқан. Сол кезде Арина Еленаны жеңген. Бұл жолы алғашқы партияда Елена 6:4 есебімен жеңді, екінші партияда Арина – 6:4. Үшінші сетте Соболенко 3:0 есебімен алда тұрған. Бірақ Рыбакина бірінен соң бірі бес геймді алды. Ең соңында 6:4 қылды!

Елена Рыбакина екінші рет «Үлкен дулыға» турнирінің чемпионы атанды. Төрт жыл бұрын Уимблдонда үздік шыққан еді.

Ұйымдастырушылардың мәліметіне қарасақ, Australian Open-ның биылғы жүлде қоры жалғыз өзі ойнайтын теннисші үшін 4 миллион 150 мың австралия доллары, салық салынғанша. Австралияның 1 доллары АҚШ долларына шаққанда 70 центтей.

Автор

Жайна Сламбек

Бөлісу