Қазақстан бойынша қызылша ауруы өршіп барады

Қызылша ауруы өршіп тұр. Астанада үш аптада 403 тұрғын жұқтырған. Соның 96 пайызы – бала. Осыған байланысты қаланың Бас санитарлық дәрігері арнайы қаулыға қол қойды. Енді мектептерде екпе алмаған оқушылардың тізімі жасалады. 6-10 ай аралығындағы сәбилерді де иммундау шарасынан өткізу көзделіп отыр. Вакцина тек ата-аналардың рұқсатымен салынады. 

Мамандардың айтуынша, қызылша тез жұғады. Бір науқастың өзі айналадағы адамдардың 90 пайызына таратады. Ал бұл ауру асқынса, тыныс алу жүйесіне зақым келуі мүмкін. Аса күрделі жағдайларда науқас есту, көру қабілетінен айырылуы мүмкін.