Қазақстан Халық партиясы жаңа Конституция жобасын талқылады

Қазақстан Халық партиясы да жаңа Конституция жобасын талқылады. Отырыс барысында фракция жетекшісі Магеррам Магеррамов жүзеге асып жатқан реформалар азаматтардың елді басқару үдерістеріне белсенді қатысуына жол ашатынын атап өтті. Жаңа құжат құрылтайдың өкілеттігін кеңейтіп, жоғары консультативтік орган – Халық кеңесін құруды көздейді. Бұл өзгерістер билік сабақтастығын қамтамасыз етуге бағытталған. Сондықтан фракция депутаттары жаңа заң жобасын толық қолдайтынын мәлімдеп, оны елдің болашағын қалыптастырудағы маңызды қадам деп бағалады.