Тексеріс күшейеді

Білім ордалары, педиатрия бөлімдері және балаларға қызмет көрсететін өзге де мекемелерде тексеріс күшейеді. Бұл туралы Орталық коммуникациялар қызметінің арнайы брифингінде айтылды. Бұған дейін санитариялық басқармалар жоспардан тыс мониторинг өткізе алмайтын. Мәселен, мектеп асханасы бекітілген кестеге сәйкес немесе «мерзімі өткен тағам берілді» деген күдік болған жағдайда ғана тексерілетін. Енді бұл талап алынып тасталды. Мекемелерге тексеріс өтетіні жайлы алдын ала хабарланбайды. Тағамның сапасы, тазалық, құрал-жабдықтардың жай-күйі – бәрі үнемі бақылауды болады.