Үндістан Ресей мұнайынан бас тартуға келісті

АҚШ президенті Дональд Трамп Үндістанды Ресей мұнайынан бас тартуға көндірді. Мұны Құрама Штаттар лидері премьер-министр Нарендра Модимен телефон арқылы сөйлескеннен кейін өзінің әлеуметтік желісінде хабарлады.

Вашингтон мен Дели жасаған сауда келісіміне сәйкес, Америка Құрама Штаттары бұл оңтүстіказиялық елдің тауарларына тарифті 50 пайыздан 18 пайызға дейін төмендетеді.

Осы жеңілдікке жауап ретінде Үндістан Ресейден «қара алтын» тасымалдауды доғарып, энергетикалық шикізатты енді АҚШ-тан, мүмкін Венесуэладан импорттауы тиіс. Сонымен қатар Трамптың сөзінше, Моди АҚШ-тан 500 млрд долларға энергиямен бірге технология, ауылшаруашылығы өнімдерін мен өзге де тауаларды сатып алуға да уәде берген.