Талдықорғанда жасырын call-орталық әшкереленді

Талдықорғанда интернет-алаяқтықпен айналысқан қылмыстық топ ұсталды. Полицияның мәліметінше, 23 жастағы Алматы қаласының тұрғыны жасырын call-орталық құрған. Алаяқтар әлеуметтік желілер мен Telegram арқылы адамдарды алдап, дропперлерді пайдаланған. Салдарынан 57 адам зардап шекті. Келтірілген жалпы материалдық шығын 36 млн теңге. Қылмыстық іс сотқа жолданды. Полиция тұрғындарды күмәнді қоңыраулар мен хабарламалардан сақ болуға шақырады.