АҚШ – Иран келіссөздері ақпанның 6-да өтеді

АҚШ – Иран келіссөздері алдағы жұма күні Ыстанбұлда өтеді. Мұны екі жақтың өкілдеріне сүйеніп «Рейтер» агенттігі хабарлады.

Түркияда Құрама Штаттардың арнайы елшісі Стив Уиткофф пен Ислам Республикасының сыртқы істер министрі Аббас Аракчи Иранның ядролық бағдарламасымен бірге аймақтағы соғыс қаупін сейілту мәселелерін де талқылайды.

Кейбір дипломаттардың мәліметінше, келіссөздерге Сауд Арабиясы мен Мысыр өкілдері де қатысады. Айта кетейік, Түркия мен Таяу шығыстың кейбір елдері қазір АҚШ-Иран шиеленісін жеңілдетуге күш салып жатыр.