Испания 16-ға толмаған балаларға әлеуметтік желіге кіруге тыйым салмақ

Испания 16-ға толмаған балалардың әлеуметтік желіге кіруіне тыйым салмақ және платформаларда адам жасын растайтын жүйе енгізу талап етілмек. Премьер-министр Педро Санчес Дубайда ашылған Әлем үкіметтері саммитінде осылай деді. Оның сөзінше, интернетте даттаушылар мен жалған ақпарат таратушыларға наразылық күшейіп келеді.

Айта кетсек, бұндай заңды әлемде бірінші болып Австралия қабылдады. Оның тәжірибесін қазір Ұлыбритания, Франция сияқты елдер жіті бақылап отыр.

Санчестің өзге бір мәлімдемесіне қарағанда, испан үкіметі заңсыз әрі даттаушы контент таратқан және алгоритмдік айланы қолданған әлеуметтік желі басшыларын жазалайтын заң жобасын парламентке келесі аптада ұсынбақ.