Жапонияда бораннан 30 адам қаза тапты

Жапонияның солтүстігінде ұйытқыған боранмен байланысты оқиғалардан қаза тапқандар саны 30-ға жетті. Тағы 100-ден астамы жараланған.

Әсіресе Хоньсю аралының Аомори қаласындағы жағдай қиын. Мұнда тротуарлар мен үй шатырларын соңғы қырық жылдағы ең қалың қар басып, тазарту жұмыстарына жауынгерлер де тартылып жатыр. Ал Хоккайдоның Саппоро қаласында 3800 шақырым жолға мыңға жуық арнайы техника шығарылған.

Болжамдарға қарағанда, ауа-райының қолайсыздығынан Жапонияда 36 жылдан бері алғаш рет қыста өтетін жалпыұлттық сайлауда дауыс берушілер саны әдеттегіден төмендеу болуы мүмкін.