«Алматы жастары» бағдарламасына құжат қабылдау басталады

Наурыз айынан бастап «Алматы жастары» бағдарламасына құжат қабылдау басталуы мүмкін. Бұл туралы «Отбасы банк» өкілдері хабарлады. Бірақ ипотеканың басталу уақыты әлі де нақтыланады. Былтыр 18-35 аралығындағы қала тұрғындарына арналған осы бағдарлама арқылы 2189 алматылық баспана сатып алған. Ал жоба іске қосылған 2017 жылдан бері 8 мыңнан аса азамат үйлі болған. Еске салайық, 2025 жылдан бастап «Алматы жастары» тұрғын үй бағдарламасы бойынша несиелендіру мөлшері 18 миллионнан 20 млн теңгеге дейін ұлғайтылған болатын.

Кәмшат Оңалбаева, «Отбасы банк» АҚ Алматы филиалы директорының орынбасары:

2025 жылы бағдарламаны жүзеге асыру үшін 46,5 млрд теңге бөлінді. «Алматы жастары» бағдарламасының шарттарын айта кететін болсақ, пайыздық мөлшерлеме 5%. Алғашқы жарнасы 10 %-дан төмен болмауы тиіс.