Павлодарда алғаш рет көздің қасаң қабығы трансплантацияланды

Павлодарда алғаш рет көздің қасаң қабығы трансплантацияланды. Ерекшелігі сол, көз жанары жаңарған екі науқас та жастары келген адам. Бірі 81 жаста, ал, екіншісі 70-те. Қазір екеуінің де жағдайы жақсы. Толық оңалу үшін бір жылдай уақыт керек екен. Естеріңізге сала кетейік, өткен аптадағы  жаңалықтарымызда 39 жастағы Павлодарлық донор әйелдің жүрегі, екі бүйрегі, бауыры және екі көзінің қасаң қабығы алынғаны жайлы хабардар еткенбіз. Марқұм төрт адамның өмірін ұзартуға себепші болды, екі адамның жанары жақсартылды. Айта кету керек, бүгінде өңірде 38 адам көз транслантациясын жасатуға кезекте тұр.

Ақмарал Естаева, Ғ.Сұлтанов атындағы Павлодар облыстық ауруханасының офтальмолог дәрігері:

Бұған дейін бұндай жоғары технологиялық операциялар тек Астана мен Алматы қаласында өткізілетін. Операция МӘМС аясында жүргізілді. Донорға және оның отбасына шын жүректен алғыс білдіреміз.