Конституцияның жаңа жобасында зияткерлік меншікке қатысты тетіктер күшейтілген

Конституцияның жаңа жобасында азаматтардың шығармашылық еркіндігін қорғау мәселесіне ерекше мән берілген. Құжатта ғылым мен мәдениет саласындағы мамандардың құқықтары нақты айқындалып, зияткерлік меншікке қатысты тетіктер күшейтілді. Бұл өзгерістер елдің рухани дамуына серпін беріп, болашақ ұрпақтың мүмкіндігін кеңейтуге бағытталған, дейді Конституциялық кеңес мүшелері.

Мереке Құлкенов, Қазақстан Жазушылар одағының төрағасы:

Авторлық құқығыңды сақтау, автор болғаннан кейін өзіңнің дүниең екенін осы Конституциядан кейін ешкім таласпайтын болады. 23 бап мысалы, бізге қатысты. Әдебиетке, ғылымға қатытсты бап бұрын тап бұлай жазылмаған. Мұның бәрі біздің қазақ деген халықтың кейінгі ұрпағына жақсылақтар әкелетін үлкен заң деп есептеймін.

Жанарбек Әшімжанов, ҚР Парламенті Мәжілісінің депутаты:

Конституцияның бірінші - негізгі позициясында ұлттың жанын сақтауға, ғылыми ұстанымдарды инновациялық, техникалық мүмкіндіктерді ұлттың соның жаңа бір жаһандану дәуірінде заманның көшіне мынау алыс жақын мемлекеттердің дамыған мемлекеттердің солармен сабақтаса отырып, ең бірінші кезекте осы бейбіт мемлекет қалыптастыруға ұзақ мерзімді Конституция болып отыр.